🌋आयो होली त्यौहार🌋

आयो होली रो त्यौहार,

रिमझिम रंगों री बौछार,

उड़े-उड़े रे अबीर-गुलाल,

रंग-रंगीली प्रेम री फुहार।

भांग, भजिया, बांटो ठंडाई,

गोरी घूँघट में शरमाई,

मतवाला करे जोरा-जोरी,

गोरी लायी रंग पिचकारी।

होली प्रेम रंग त्यौहार,

मौज-मस्ती री बहार,

करे दिल प्रेम रो इजहार, 

साजन-सजनी रो महके प्यार।

रंग, उमंग उत्सव रंग रंगीलो

प्रेम मिलन पर्व अलबेलो,

झूमें, नाचे, साजन मनमीत,

मनवां गाये मीठा-मीठा गीत।

हिवड़ो हरख न म्हारा मावे,

पीयूजी रो संग घणो सुहावे,

गोरी हलके मलके जाये,

रंग उमंग फुलड़ा बहकावे।

       

          ✍️चंचल जैन ( मुंबई, महाराष्ट्र )